Mii čiekŋut Barentsguovllu vierisšládjafidnus moatte vahátlaš vierisšládjii, mat leat dagahan dahje vuordimis dagahit čuolmmaid Barentsguovllus Suomas, Ruoŧas ja Norggas. Dán siiddus sáhtát lohkat alaska- ja gilvvalupiinnas, stuorraboskkas ja ruoššaluosas.
Norggas alaskalupiidna lea leavvan agressiivvalaččat ja ballojuvvo, ahte dat leavašii ain stuorit guovlluide Suomas ja Ruoŧas. Alaskalupiidna birge davvi šaddanbirrasis buorebut, go dan sogalaš, gilvvalupiidna. Dat áitá ovdamearkka dihtii duottarluonddu.
Gilvvalupiinnat dihttojit dán áigge massiivvalaš viidodagas geaidnoguorain, šiljuin ja niittuin sihke Suomas, Ruoŧas ja Norggas. Dan ruohtasbuljiid dahpabaktearat nuppástuhttet eananvuođu álbmábun, mii duššada ovdamearkka dihtii niitošlájaid, mat leat juo gárvvisin áitatvuložat. Dat maiddái geahpeda divrriid meari ja váikkuha negatiivvalaččat erenomážit goppáide, beaivelottiide ja gotkkaide.
Stuorraboskkat leat leavvan viidát Suomas, Ruoŧas ja Norggas. Dat birgejit bures ja girdet bures davviguovllu šaddanbirrasa. Vearrámus dilis dat hábmejit suhkkes “stuorraboskavuvddiid”, mat hávkadit iežaset vuollái buot eará šattodaga.
Mannan jagiid ruoššaluossa lea lassánan Suoma ja Norgga jogain sakka. Deanus dat leat moatti jagis lassánan moadde čuođi indiviiddas geasi 2021 árvalusa mielde 50 000 indiviidii. Ballojuvvo, ahte geasset 2023 mearri ain lassána, ja juoba beallemiljovnna ruoššaluosa gorgŋot gođđat Detnui.
