Barentsa vierisšládjafidnu neahttasiiddut leat dál almmustahtton ja fidnomet álgá duođas oidnošgoahtit maid olggobeallái! Fidnu siidduid ja logo ráhkadii midjiide njuovžilis ovttasbarggus Mak Media. Dál álggus min neahttasiidduid beassá lohkat suoma- ja eaŋgalasgillii. Vai Barentsa ássiid siste nu máŋgasat go vejolaš, movttáskivčče lohkat min neahttasiidduid, dat almmustuvvet čuovvovaččat ruoŧa- ja dárogillii. Maŋemustá álgogeasi áigge min plána lea almmustahttit daid maiddái davvisámegillii, mas mii leat erenomáš movtta!
Fidnomet bargá caggan dihtii vierisšládjašattuid ja čuozáhatšládjan leat válljejuvvon lupiinnat ja stuorraboskkat. Mii leat gilvalahttima bokte ožžon ovttasbargoguoibmin dán vierisšládjašaddobargui WWF ja Maa- ja kotitalousnaiset (Eanan- ja ruovttodoallonissonat). Goappáge organisašuvnnas lea hárjánupmi gillilis barggus vierisšládjašattuid olis. Mii luohttitge dáppe Luondduriggodatguovddážis nannosit dasa, ahte materiálat, skuvlejumit ja webinárat, mat šaddet sin bokte, movttiidahttet ja šaddet miellagiddevaččat ja nana diehtopáhkažat.
Kaskas Media mielde gulahallama koordineremis
Min fidnus lea dál ruoššaluossajoavku ja guokte olbmo, geat bargaba vierisšládjašattuiguin. Buot golbma oassebeali ovttasbarget Suomas, Ruoŧas ja Norggas báikkálaš oassebeliiguin dahje gaskkustit dieđuid aktiivvalaččat riikkavuložiidda. Čielggadan dihtii doaimmaid ja gulahallama, mii leat váldán min ovttasbargoguoibmin Kaskas Media, mii veahkeha min hálddašit ollisvuođa. Kaskas Media boahtá leat erenomáš dehálaš, muhto olggobeallái dat lea viehka oaidnemeahttun oassi fidnus.
Fidnu buot materiálat almmustahttojit min neahttasiidduin. Gánnáha čuovvut min Twitter-konttu (@Barents_IAS), gos mii almmuhit álo buot ođđasiid! Dasa lassin Luondduriggodatguovddážis lea iežas Twitter-kontu (@Vieraslajit) ja Facebook-siidu (Vieraslajit), gos mii juohkit Barentsa vierisšládjafidnu ságaid lassin maiddái eará vierisšládjaáššiid. Erenomážit dál geasi birrasiid ságastallan vierisšlájaid birra ealasma!
Geahča fidnu ođđa neahttasiidduid: https://barents-ias.info/dav